Sky Sport-ის მიერ გავრცელებული ინფორმაციით, მილანის “ინტერის” ჰოლანდიელი ნახევარმცველი, ვესლი სნეიდერი იტალიურ კლუბთან სულ მალე ახალ კონტრაქტს გააფორმებს და 2010 წლის ლიგის მფლობელებთან 2015 წლამდე დარჩება, ხოლო ხელფასის სახით ჰოლანდიელი წელიწადში 4-ის მაგივრად უკვე 6 მილიონ ევროს მიიღებს. წყაროს ცნობით, ახალი ხელშეკრულება მაქსიმუმ 2 კვირაში შევა ძალაში.
ალბათ გემახსოვრებათ, ორი კვირის წინ ვესლისა და მისი აგენტის მიერ ატეხილი აჟიოტაჟი, სადაც სპორცმენის უფლებების დამცველი აცხადებდა, რომ კლუბის მესვეურები არ აპირებდნენ ახალი კონტრაქტის გაუმჯობესებას, რის გამოც ის “მანჩესტერ იუნაიტედთან” მოლაპარაკებების დაწყებით იმუქრებოდა.
