მარიო ბალოტელის წყალობით იტალიის ნაკრებმა ევრო 2012-ის ნახევარფინალურ მატჩში გერმანელების წინააღმდეგ 2:1 გაიმარჯვა, თვით მოთამაშემ ორი ბურთის გატანა მოახერხა და აღნიშნა, რომ ეს მისთვის უდიდესი საღამო იყო ცხოვრებაში, თუმცა იქვე დაამატა, რომ ესპანელების წინააღმდეგაც აპირებს ამის განმეორებას.

მანჩესტერ სიტის თავდამსხმელს ვარშავაში გერმანელმა მცველებმა ვერაფერი ვერ დაუპირისპირეს და პირველ ტაიმში მარიოს ორმა გატანილმა გოლმა სკუადრა აძურას წარმატების მიღწევაში დიდი როლი ითამაშა.

ჩეზარე პრანდელის შეგირდების შემდეგი გაჩერება კიევია, სადაც კვირას ესპანელების წინააღმდეგ ფინალი გაიმართება.

ხუთშაბათის ტრიუმფის შემდეგ გახარებულმა სუპერ მარიომ განაცხადა: „ეს არის უდიდესი საღამო ჩემს ცხოვრებაში, მაგრამ იმედი მაქვს, რომ კვირას უკეთესი იქნება.“

მიუხედავად იმისა, რომ ჯგუფური ეტაპის შეხვედრაში ბალოტელიმ ირლანდიის კარში გაიტანა გოლი, მას ადანაშაულებდნენ ესპანეთთან, ხორვატიასთან და ინგლისთან ბევრი მომენტების ვერ გამოყენებაში.

ახალგაზრდა იტალიელი აღიარებს თავის არცთუ ისე სახარბიელო თამაშს წინა მატჩებში: „წინა მატჩებში მე გოლის გატანის უამრავი შანსი მქონდა, მაგრამ მათი გამოყენება ვერ მოვახერხე. თუმცა ფეხბურთში შანსი ყოველთვის მოგეცემა.“