გუშინდელი საღამოს ერთ-ერთი ყველაზე გამორჩეული მატჩი უდავოდ აიაქსი-მილანი იყო. ბევრი იწერებოდა ამ დაპირისპირების შესახებ, ერთმანეთს შეხვდნენ ევროპული ფეხბურთის ორი ნამდვილი გიგანტი ტიტულებსა და ისტორიას თუ შევხედავთ, თუმცა თამაშს დაწყებით ყველაფერი უკან დარჩა და გუნდებმა თავისი ახალი ისტორიის წერა დაიწყეს.
დაძაბული და საინტერესო ორთაბრძოლა ფრედ დასრულდა (1:1). გოლები ელ ჰამდაუიმ და იბრაჰიმოვიჩმა გაიტანეს, აგრეთვე აღსანიშნავია კლარენს ზეედორფის შესანიშნავი თამაში. მატჩის დარულების შემდეგ, პირველი კომენტარი სწორედ ჰოლანდიელმა გააკეთა, რომელმაც ზოგადად მილანის თამაშის სტილზე ისაუბრა: "სიმართლე გითხრათ მე არ მომწონს ის ფეხბურთი, რომელიც ამ საღამოს ვითამაშეთ. ჩვენ გუნდი ვართ და არ უნდა ვიყოთ ერთ ფეხბურთელზე აწყობილი. 90 წუთი იბრაჰიმოვიჩის გოლზე იმედად ყოფნა უბრალოდ შეუძლებელია. შედეგით კი კმაყოფილი ვარ."-განაცხადა ზეედორფმა. თავისი მოსაზრებები აგრეთვე დააფიქსირეს გუნდების მთავარმა მწვრთნელებმა, მარტიონ იოლმა და მასიმილიანო ალეგრიმ:"კარგად ვითამაშეთ, თუმცა მეორე ნახევარში უკვე დაღლილები ვიყავით. რთულია მილანთან 90 წუთი მაღალ დონეზე თამაში, თუმცა ჩვენ ეს შევძელით." -განაცხადა იოლმა. ალეგრიმ კი თამაშის გარდა ფეხბურთელებსა და გუნდის ტაქტიკასაც გაუსვა ხაზი: "კმაყოფილი ვარ ფეხბურთელების სამუშაოთი ამ საღამოს. გუნდი ძალიან კარგად მოერგო იმ სქემას, რომლითაც ვითამაშეთ ამსტერდამ არენაზე. მინდა გამოვყო იბრაჰიმოვიჩი და ზეედორფი, აგრეთვე ბევრი სამუშაო გააკეთა რობინიომაც. იგი ყოველდღე უფრო და უფრო ერგება მილანის თამაშის სტილს. ჭორიკნებს კი მინდა ვუთხრა, რომ მე არ მაქვს პრობლემები რონალდინიოსთან, მე უბრალოდ დავასვენე იგი და ჩავატარე პატარა ექსპერიმენტები შემადგენლობაში."
