ესპანური "ვალენსიას" ფორვარდმა, რობერტო სოლდადომ განაცხადა, რომ დროა მადრიდის "რეალს" "სანტიაგო ბერნაბეუზე" გოლი გაუტანოს.
"მე ოთხი წლის განმავლობაში "ბერნაბეუზე" გოლი არ გამიტანია და ეს მეტისმეტად ბევრია. მაგრამ ჩვენ ვმუშაობთ არა მხოლოდ გოლის გასატანად, არამედ თამაშის მოსაგებად."
27 წლის ფორვარდმა "ბლანკოსთან" ერთად შვიდი წელი გატარა. ამ ხნის განმავლობაში იგი პირველი გუნდის რიგებში მოედანზე 16-ჯერ გამოჩნდა და ორი შედეგიანი დარტყმა განახორციელა, მაგრამ მან აღიარა, რომ მადრიდში გატარებული დროის შესახებ ბევრი კარგი რამ ახსენდება და რობერტო სიამოვნებით მოისურვებს, რომ ამ კარგ მოგონებებს კვირას, "ლოს ჩეს" გამარჯვების წყალობით, კიდევ ერთი შემატოს.
"ყოველთვის ვცდილობ ყოველ წელს წინანდელზე უკეთესი შედეგი ვაჩვენო. ვიცი, რომ ჩემი წარმოდგენები გოლების საშუალებით სამართლდება, ამიტომაც მინდა, რომ ყოველი ახალი სეზონის შედეგი გასულისას აღემატებოდეს."
"მე იქ (მადრიდში) გავიზარდე, როგორც ფეხბურთელი და, როგორც ადამიანი, ამისთვის მათი მუდამ მადლიერი ვიქნები. მადრიდის "რეალი" არის კლუბი, რომელმაც ბევრი რამ მომცა."
"ახლა, მე მადრიდში მივდივარ, როგორც "ვალენსიას" კაპიტანი და გავაკეთებ ყველაფერ შესაძლებელს, რათა "რეალი" დავამარცხო."
"ჩვენ ამ თამაშს სერიოზულად უნდა მივუდგეთ, თავი კარგად დავიცვათ და შეთანხმებულად ვიმოქმედოთ. ვიცით, თუ რა რთულია (ჟოზე) მოურინიოს გუნდის წინააღმდეგ თამაში, რადგანაც ისინი არა მხოლოდ კარგად უტევენ, არამედ დაცვაშიც შესანიშნავად მოქმედებენ" - განაცახადა სოლდადომ AS-თან ინტერვიუში.
