არსენალის ლეგენდამ რეი პარლორმა განაცხადა, რომ კარგი იქნებოდა თუ სიტი არსენალს ვან პერსის სანაცვლოდ ფულთან ერთად ედინ ძეკოსაც მისცემდა.
26 წლის ბოსნიელი ფეხბურთელი სიტიმ 2011 წელს 32 მილიონ ევროდ იყიდა. ცხადია, რომ ქალაქელები ედინისგან უფრო მეტს ელოდნენ, მიუხედავად ცუდი თამაშისა მანჩინიმ განაცხადა, რომ იგი არ აპირებს არც ტევესის და არც ძეკოს გაშვებას.
"კარგი იქნებოდა, რომ მანჩესტერ სიტის ვან პერსის სანაცვლოდ, რომელიმე ფეხბურთელი დაეთმო არსენალისთვის, მაგალითად ედინ ძეკო." - განაცხადა რეიმ.
"ბოსინელი ფორვარდი შესანიშნავი მოთამაშეა და იგი ადვილად მოერგებოდა არსენალის სტილს. ვფიქრობ, რომ მას არც ხელფასთან დაკავშირებით არ ექნებოდა პრობლემები ამ გუნდში."
შეგახსენებთ, რომ პარლორი არსენალში 1992-2004 წლებში ირიცხებოდა.
