გუშინ პოლონეთში იტალიის და ესპანეთის ნაკრებები დაუპირისპირდნენ ერთმანეთს. შეხვედრა ფრედ 1-1 დასრულდა. პირველი გოლი მატჩის მე-2 ნახევარში შეცვლაზე შემოსულმა დი ნატალემ გაიტანა, თუმცა ზუსტად 3 წუთში დავიდ სილვას პასის შემდეგ ცესკ ფაბრეგასმა შეძლო ანგარიშის გათანაბრება.
ცესკ ფაბრეგასის მსგავსად, ანდრეს ინიესტამაც თამაშის შემდეგ მოედნის საფარი გააკრიტიკა. ბარსელონას ნახევარმცველმა განაცხადა, რომ ბალახი მშრალი იყო, რის გამოც პასის გაკეთება უჭირდა.
"გუშინ იტალიასთან მატჩში საშინელ მოედანზე მოგვიწია თამაში. ბალახი მშრალი იყო და ბურთის გადაცემა რთული გახდა ამის გამო. ნამდვილად უბედურებაა ასეთ მოედანზე თამაში."
"ახლა არაფრის შეცვლა აღარ შეიძლება, თუმცა სამარცხვინოა, რომ ჩვენ კვლავ მოგვიწევს ასეთ საშინელ სტადიონზე თამაში." - განაცხადა ინიესტამ.
შეგახსენებთ, რომ C ჯგუფში ამჟამად ხორვატია 3 ქულით ლიდერობს.
